«Суусамыр FM» жамааттык үналгысы
Жайыл району, Суусамыр айыл аймагы
Бишкек- Ош автожолундагы Төө ашуу ашуусунан өтүүчү Кусеин Көлбаев атындагы туннель оңдоп түзөө иштерине байланыштуу жабылып жатат.
Күнүгө саат 14:00 дон, 16:00 го чейин автоунаалар өткөрүлбөй жабылат.
Бул тууралуу ДЭП -9 кызматкери Улан Сарыгулов буларга токтолду:
» Туннелдин ичиндеги аба алмаштыруучу желдеткичтерди жаңыртып жаткандыгына байланыштуу жабылып жатат. Бул иш 30- декабрга чейин улантылат».
«Бардык жол жүргүнчүлөрүнүн эсине, жолго чыгарда убакытты карап чыгуу сунушталат»,- деп кошумчалады ал.
2 сааттан бери күтүп турган жүргүнчү, Самат Адилбеков: » Жол жасалганы жакшы, бирок телевизордон эскертип коюшса жакшы болот эле» дейт.