Жергиликтүү кеңеште депутаттар эмненин негизинде иш алып барат жана  эрежелер  менен иштешеби. Жергиликтүү кеңеште регламент түзүлгонбү?

Ушул суроонун алкагында алдыдагы “Ачык өкмөт уктуруусунан кененирээк маалымат ала аласыздар. Жергиликтүү кеңештин регламенти жөнүндө сөз кылмакчыбыз.Алгач
Регламент деген эмне? деп жергиликтүү кеңештин депутаттарына кайрылдык.
Бул суроого жергиликтүү кеңештин депутаты Рахат Абдысатар уулу мындайча жооп айтты:

“Регламент депутаттар тарабынан иштелип чыккан жергиликтүү кеңештин иш тартибин камсыз кылган эреже болуп эсептелет.Жергиликтүү кеңештин иш тартиби регламенттин негизинде жүргүзүлөт.Айылдык кеңештин депутаттары биринчи кезекте регламентти бекитип алыш керек”.

Жергиликтүү кеңештин регламенти –бул мамлекеттик ыйгарым укуктуу орган бекиткен типтүү Регламенттин негизинде жергиликтүү кеңеш депутаттары тарабынан иштелип чыккан документ.
Кыргыз Республикасынын өкмөтүнө караштуу жергиликтүү өз алдынча башкаруу иштери боюнча мамлекеттик агенттигинин 2013-жылдын 25-ноябрындагы буйругунун негизинде айылдык кеңештин типтүү регламенти бекитилген.

Бул боюнча жергиликтүү кеңештин төрагасынын орун басары Урмат Алыпсатаров төмөндөгүдөй билдирди:

“Регламент- бул айылдык кеңеш депуттатарынын ишмердигин жөнгө салган мыйзамдарында каралган жергиликтүү кеңештин иштерин уюштуруунун жана алардын ыйгарым укуктарын ишке ашыруунун тартибин белгилейт.Ар бир кеңеш өз регламентин мыйзамдардын негизинде бекитет.Бекитилген регламентти айылдык кеңештин төрагасы же орун басары депутаттарга тааныштырат.Регламент –бул жергиликтүү кеңештин мыйзамы, ошондуктан ар бир кеңеш регламенттен чыкпай иш алып барганга милдеттүү”.

Регламент жергиликтүү кеңештин токтомунун негизинде бекитилет жана жергиликтүү өз алдынча башкаруу органдарында катталууга тийиш.

Регламент деген эмне?

 

Бул материал Фридрих Еберт атындагы Кыргызстандагы фонду тарабынан колдоого алынды. Мазмунундагы ой-пикирлер фонддун көз карашын чагылдырбайт.

Азиза Тамчиева.